Plantun de Prouvènço

Pèr coumpara dos planto d'encò nostre

Urtica urens & Lotus maritimus

Ourtigo-brulanto

Urtica urens

Urticaceae

Àutri noum : Ourtigo-menudo, Urtìo-greiseisso, Ourtigo.

Noms en français : Ortie brûlante, Petite Ortie.

Descripcioun :
Aquesto ourtigo se destrìo de la mai coumuno (l'ourtigano) qu'èi bèn mai pichoto, si fueio soun tant largo que longo e fai de flour en grapo simplo e pas tant longo. L'ourtigo-menudo se derraba eisamen qu'es uno planto annalo au contro de U. dioica.

Usanço :
Coume devès lou saupre, li jouìni fueio d' ourtigo soun bono à manja, un pau coume d'espinarc, mai peréu en soupo, purèio, ensalado. L'ourtigo-menudo èi vertuouso contro li proublèmo de ren e li mau d'os (tisano vo loucioun). A passa tèms se dounavo i gabre (M.) e i galino. A Bedouin, se fasié uno maceracioun d'ourtigo pèr lucha contro li nieroun ço que se fai tourna mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Urtica
Famiho : Urticaceae

Ordre : Rosales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1700 m
Aparado : Noun

Liò : Escoumbre e proche dis oustau - Champ
Estànci : Pancaro entresigna
Couroulougi : Pancaro entresigna
Ref. sc. : Urtica urens L., 1753

Galassoun(-di-dóusso-carrado)

Lotus maritimus

Fabaceae Leguminosae

Noms en français : Lotier à gousses carrées, Lotier maritime.

Descripcioun :
Aquest galassoun, pulèu coumun, es uno planto pas bèn grando (10-40 cm) que fai de flour groupado pèr 2-3, pulèu grosso, d'un poulit jaune e pourtado pèr un long pecou. Li planto de bord de mar soun mens pelouso que li d'en dedins de terro.

Usanço :
Dins d'ùni relarg, lou galassoun-di-dóusso-carrado èi cultiva e èi manja coume liéume. Ei vertuous pèr gari li plago e macaduro (vulneràri), e èi peréu astringènt.

Port : Erbo
Taio : Pancaro entresigna
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Lotus
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : Termoumediterran à Coulinen
Couroulougi : Pancaro entresigna
Ref. sc. : Lotus maritimus L., 1753 (= Tetragonolobus maritimus (L.) Roth, 1788 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Urtica urens & Lotus maritimus

Coumpara Ourtigo-brulanto emé uno autro planto

Coumpara Galassoun(-di-dóusso-carrado) emé uno autro planto